პროკურატურა აცხადებს, რომ ე.წ ციანიდის საქმეზე დაკავებული დეკანოზი მამალაძე "სხვადასხვა შპს-ის მამაოდ" იყო გაფორმებული და ხელფასს იღებდა.
"ბრალდებული გიორგი მამალაძე სხვადასხვა შპს-ში გაფორმებული იყო შპს-ის მამაოდ. ყოველთვიურად იღებდა სხვადასხვა რაოდენობის ხელფასს და მათ შორის, საახალწლოდ - პრემიებსაც. ნაცვლად იმისა, რომ ბრალდებულს სხვადასხვა სასულიერო მოღვაწეობა განეხორციელებინა, ის დაკავებული იყო ანგარებით და უსაფუძვლო გამდიდრებებით, მათ შორის, საპატრიარქოს ქონების მეშვეობით", - აცხადებს პროკურორი ზვიად გუბელიძე.
ადვოკატები აცხადებენ, რომ მღვდელი მამალაძე შემოწირულობებს იღებდა და მათთვის გაუგებარია რას ნიშნავს "შპს-ის მამაო".
"შპს-ის მამაო - ასეტი სტატუსი მე არ გამიგია. შპს-ს დირექტორი და დამფუძნებელი ვიცი", - აცხადებს ადვოკატი მიხეილ რამიშვილი.