საქართველოს მოსახლეობის 60%-მა არ იცის რომ ქვეყანაში საკონსტიტუციო ცვლილებებია დაგეგმილი და რომ ცვლილებების პირველად ვარიანტს პარლამენტმა კენჭი უკვე უყარა - ამის შესახებ ეროვნულ-დემოკრატიული ინსტიტუტის (NDI) მიერ დღეს გამოქვეყნებული კვლევის შედეგად ირკვევა.
კითხვა: გასულ დეკემბერს საქართველოს პარლამენტმა საკონსტიტუციო ცვლილებების შესამუშავებლად სახელმწიფო კომისია შექმნა. აპრილში კომისიამ კონსტიტუციის სამუშაო ვერსია მიიღო. იცოდით თუ არა ამ პროცესის შესახებ?
- არა - მოსახლეობის 60%
- დიახ - მოსახლეობის 32%
- არ ვიცი - 8%
მათგან კი ვინც ინფორმირებულია რომ ქვეყანაში საკონსტიტუციო ცვლილებებია დაგეგმილი 59% ამბობს, რომ სათანადოდ არ არის ინფორმირებული დაგეგმილი პროცესების შესახებ, მხოლოდ 39% პასუხობს, რომ ცვლილებების შესახებ ინფორმირებულია.
იმ ადამიანთა 32% ვინც ინფორმირებულია, რომ ქვეყანაში საკონსტიტუციო ცვლილებები იგეგმება ამბობს, რომ ეს ცვლილებები საერთოდ არ ასახავს მოსახლეობის საჭიროებებს:
ფოტო: NDI
NDI-იმ საერთო-სახალხო განხილვების შესახებაც დასვა კითხვა, იმ ადამიანთა 89% ვინც ამბობს, რომ ინფორმირებულია დაგეგმილი საკონსტიტუციო ცვლილებების შესახებ ამბობს, რომ მას საჯარო განხილვებში მონაწილეობა არ მიუღია.
NDI-ის კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2261 პირისპირ ინტერვიუს წარმომადგენლობითი შერჩევის საფუძველზე. NDI-ის კვლევებს ატარებს CRRC-საქართველო.
ცდომილების ზღვარია +/-2.2%.
