შინაგან საქმეთა სამინისტროს ინფორმაციით, წაღვერში არჯევნის ტყის მასივში გუშინ გაჩენილი ხანძარი ამ დროისთვის ლოკალიზებულია და მისი გავრცელების საშიშროება არ არის.
შსს-ის ცნობით, მთელი ღამის განმავლობაში ადგილზე მობილიზებულები იყვნენ შსს-ის სახანძრო და სამაშველო ჯგუფები.
"ცეცხლის ჩაქრობის ღონისძიებაში 100-ზე მეტი მეხანძრე-მაშველი და სასაზღვრო პოლიციის ვერტმფრენი მონაწილეობდა. ამ ეტაპზე აქტიური მუშაობა მიმდინარეობს ხანძრის სრული ლიკვიდაციის მიზნით,"- წერია უწყების მიერ გავრცელებულ განცხადებაში.
ტყეს ხანძარი გუშინ დაახლოებით დღის 2 საათისკენ გაუჩნდა.
ხანძარი
შსს: წაღვერის ტყეში გუშინ გაჩენილი ხანძარი ამ დროისთვის ლოკალიზებულია
