WikiLeaks-მა საფრანგეთის პრეზიდენტის, ემანუელ მაკრონის წინასაარჩევნო შტაბის 21 000-ზე მეტი ელექტრონული წერილი გაასაჯაროვა.
პირველი წერილები 2009 წლის მარტით, ბოლო წერილები კი 2017 წლის აპრილით თარიღდება.
WikiLeaks-ი აცხადებს, რომ მათ კიდევ უფრო მეტი ინფორმაციაა მოეპოვებათ, თუმცა ჯერჯერობით მხოლოდ ამ ნაწილის სისტემიზირება მოახერხეს.
აღსანიშნავია, რომ 2017 წლის 5 მაისს, საფრანგეთის საპრეზიდენტო არჩევნების მეორე ტურამდე ორი დღით ადრე WikiLeaks-მა განაცხადა, რომ მაკრონის შტაბიდან დიდმა ინფორმაციამ გაჟონა.
განცხადების გამოქვეყნებისთანავე, საფრანგეთის არჩევნების ეროვნული მონიტორინგის ცენტრმა ფრანგულ მედიას სთხოვა, რომ არ გამოაქვეყნებინათ WikiLeaks-ის მონაცემები მაკრონზე. მონიტორინგის ცენტრმა განმარტა, რომ ინტერნეტში გავრცელებული მონაცემები ნამდვილი და ყალბი მასალების ნაზავია და არჩევნებამდე ერთი დღით ადრე ამომრჩევლების შეცდომაში შეყვანას ისახავდა მიზნად.