ნიუ-იორკში შესაძლოა, "ღამის ცხოვრების განვითარების დეპარტამენტი" გაჩნდეს. ახალი უწყება პროექტის მიხედვით ღამის კლუბებსა და სხვა გასართობ პუნქტებში დასაქმებულთა ინტერესებს დაიცავს და ქალაქის ღამის ცხოვრების განვითარებას ხელს შეუწყობს.
ნიუ-იორკის წარმომადგენლობითი ორგანოს სამომხმარებლო საქმეთა კომიტეტმა ამ სამსახურის შექმნას მხარი დაუჭირა. პროექტის ინიციატორთა აზრით, ქალაქის მერია ნაკლებად აქცევს ყურადღებას სექტორს, რომელიც ათასობით ადამიანს ასაქმებს და რომლის ბრუნვაც წელიწადში $10 მილიარდია.
დეპარტამენტის შექმნისთვის აგვისტოს ბოლოს საბოლოო კენჭისყრა გაიმართება.
