ქვემო ფონიჭალაში ავტოსაგზაო შემთხვევის შედეგად 70 წელს გადაცილებული მამაკაცი გარდაიცვალა.
გავრცელებული ინფორმაციით, მამაკაცს სატვირთო მანქანა ქუჩაზე ფეხით გადასვლის დროს დაეჯახა. მამაკაცი ადგილზე გარდაიცვალა.
როგორც ტაბულას შსს-ში განუცხადეს, მომხდართან დაკავშირებით სისხლის სამართლის საქმე 276 მუხლის მე-5 ნაწილით აღიძრა, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.