შინაგან საქმეთა სამინისტრო

შსს: აშშ-ში, პოლიციელების ოლიმპიადაზე, 3 ოქროს და 6 ვერცხლის მედალი მოვიპოვეთ

0 კომენტარი

აშშ-ში, კალიფორნიის შტატის ქალაქ ლოს-ანჯელესში, „მსოფლიო პოლიციისა და სახანძრო სამსახურის სპორტული ოლიმპიადა 2017" მიმდინარეობს. შსს-ს ცნობით, ოლიმპიადაში მოასპარეზე ქართველმა სპორტსმენმა პოლიციელებმა 3 ოქროს და 6 ვერცხლის მედალი მოიპოვეს.

"თავისუფალი სტილით მოჭიდავე იოსებ ხუციშვილმა ოქროს მედალი მოიპოვა. მან 86 კგ წონით კატეგორიაში იასპარეზა, ფინალურ ორთაბრძოლაში რუს მოჭიდავეს სძლია და პირველი ადგილი დაიკავა. ასევე, თავისუფალი სტილით ჭიდაობაში ისაპარეზა ლუკა კურტანიძემ 125 კგ წონით კატეგორიაში და ბელდუხ გავაშელიშვილმა 97 კგ წონით კატეგორიაში, ორივე მათგანმა პირველი ადგილი და ოქროს მედალი მოიპოვა.

ძიუდოისტმა ნოდარ მჭედლიშვილმა 90 კგ წონით კატეგორიაში ვერცხლის მედალი აიღო. 100 კგ წონით კატეგორიაში მოასპარეზე ალექსი დავითაშვილმა, ასევე, ვერცხლის მედალი მოიპოვა.

მოცურავე გიორგი ბერძენიშვილმა ოლიმპიადაზე სხვადასხვა სტილით ცურვაში მიიღო მონაწილეობა და 4 ვერცხლის მედალი აიღო" - აცხადებს შსს და ფოტო-ვიდეომასალას ავრცელებს.

„მსოფლიო პოლიციისა და სახანძრო სამსახურის სპორტული ოლიმპიადა 2017“ - ში შს სამინისტროს 12 თანამშრომელი სპორტის 7 სახეობაში ასპარეზობს. ოლიმპიადა 16 აგვისტოს დასრულდება.

ახალი ვიდეო მეტი ვიდეო

ძლიერი მიწისძვრის შედეგად, მეხიკოში 200-ზე მეტი ადამიანი დაიღუპა

კომენტარები