ყაზბეგის საბაჟო გამშვებ პუნქტში სამუშაო პროცესი დროებით აღდგა. თუმცა, შემოსავლების სამსახურის ცნობით, ღამის 12 საათზე, საგანგებო ვითარებით გამოწვეული საჭიროებებიდან გამომდინარე, ტექნიკური სამუშაოების განხორციელების მიზნით, 15 აგვისტოს დილის 6 საათამდე, "ყაზბეგი" კვლავ შეწყვეტს მუშაობას.
ყაზბეგის საბაჟო გამშვები პუნქტში სამუშაო პროცესი დარიალის ხეობაში ღვარცოფის წარმოშობის გაზრდილი რისკიდან გამომდინარე, რამდენიმე საათის წინ შეწყდა. საბაჟოდან თანამშრომლებისა და მოსახლეობის ევაკუაცია განხორციელდა.