თბილისის ცენტრში ნიკოლაძის 7 ნომერში, ერთ-ერთ მასაჟის სალონთან სპეცოპერაცია ჩატარდა.
სპეცოპერაცია კრიმინალური პოლიციის დეპარტამენტმა ჩაატარა.
როგორც ტაბულას შსს-მ განუცხადა, გამოძიება სისხლის სამართლის კოდექსის 254-ე მუხლით არის დაწყებული რაც პროსტიტუციისთვის ადგილის გადაცემას გულისხმობს. ამ დროისთვის სამართალდამცავი უწყება მეტ ინფორმაციას არ ავრცელებს.
გუშინ, პუშკინის ქუჩაზე მდებარე მასაჟის სალონთან სპეცოპერაცია ჩატარდა, რომლის შედეგადაც 8 ადამიანი დააკავეს. გამოძიება ასევე პროსტიტუციისთვის ადგილის გადაცემის მუხლით მიმდინარეობდა.