გახშირებული ხანძრების გამო, საქართველოს კათალიკოს-პატრიარქმა ილია II-მ მღვდელმთავრებან და სასულიერო პირებთან ერთად ღვთისმშობლის პარაკლისი გადაიხადა.
"ა.წ. 22 აგვისტოს სრულიად საქართველოს კათოლიკოს-პატრიარქმა მღვდელმთავრებთან და სასულიერო პირებთან ერთად ბორჯომის ხეობაში და საერთოდ ქვეყანაში გახშირებული ხანძრების გამო ღვთისმშობლის პარაკლისი გადაიხადა და ჩვენი ხალხი და ქვეყანა ღმერთს შეავედრა,"- წერია საპატრიარქოს მიერ გავრცელებულ განცხადებაში.
ფოტო: საქართველოს საპატრიარქო
ბორჯომის ხეობაში უკვე მე-5 დღეა ხანძრის ჩაქრობას ასეულობით სამაშველო-სახანძრო ბრიგადის თანამშრომლითა და რამდენიმე ვერტმფრენით ცდილობენ.
