გლობალური ონლაინ პირატული ბაზრის მოცულობა წელიწადში 196 მილიარდია, ეს ნიშნავს, რომ ფილმების, მუსიკის და სხვა ფაილების ჩამოტვირთვა და სტრიმინგი წლის განმავლობაში 196 მილიარდჯერ ხდება.
კიბერუსაფრთხოების ტექნოლოგიების მწარმოებელი ამერიკული კომპანია MUSO-ს მონაცემებით, HBO-ს შოუ Game of Thrones პირატული გზით ნახვადი ყველაზე პოპულარული სატელევიზიო შოუა. სერიალის მეშვიდე სეზონი არალეგალური გზით უკვე 1 მილიარდჯერ ნახეს.
Game of Thrones-ის მეშვიდე სეზონის პრემიერა არალეგალური სტრიმინგისა და გადმოწერის გზით დღემდე 187-მა მილიონმა ადამიანმა ნახა, შედარებისთვის ლეგალური გზით ის 30-მა მილიონმა ნახა.
MUSO-ს მონაცემებით სერიების მიხედვით, GOT-ის მეშვიდე სეზონის არალეგალური სტრიმინგისა და გადმოწერის მაჩვენებლები ასე გამოიყურება:
- პირველი სერია - 187 მილიონი ნახვა
- მეორე სერია - 123 მილიონი ნახვა
- მესამე სერია - 116 მილიონი ნახვა
- მეოთხე სერია - 121 მილიონი ნახვა
- მეხუთე სერია - 151 მილიონი ნახვა
- მეექვსე სერია - 184 მილიონი ნახვა
- მეშვიდე სერია - 143 მილიონი ნახვა
ნახვების 84% -ს არალეგალური ლაივსტრიმი შეადგენდა. ტორენტიდან გადმოწერით სერიალი 9%-მა იხილა, გადმოწერის სხვა ხერხებით კი 5.6%-მა ისარგებლა.
Game of Thrones დღეისთვის გლობალური სატელევიზიო ფენომენია, შოუს ყოველი სერიის გამოსვლას ასობით მილიონი მაყურებელი ელოდება.
