მიხეილ სააკაშვილი

სააკაშვილი: ნიკუშამ თითონ მთხოვა საზღვარზე გადამეყვანა

0 კომენტარი
ფოტო: facebook.com/SaakashviliMikheil

საქართველოს ექსპრეზიდენტი, მიხეილ სააკაშვილი, ხვალ, 10 სექტემბერს პოლონეთი-უკრაინის საზღვარზე მივა და უკრაინაში შესვლას შეეცდება. სააკაშვილი საზღვრის გადაკვეთას 11 წლის შვილთან ერთად გეგმავს. სააკაშვილის თქმით, ნიკოლოზმა საზღვარზე გადაყვანა მას თავად სთხოვა. 

"თითონ მოითხოვა ნიკუშამ და რა პრობლემაა, მე ვერანაირ პრობლემას ვერ ვხედავ", - რუსთავი 2-თან საუბარში ამბობს სააკაშვილი.

"ის, ვისაც სროლა უნდა, წინასწარ ამას არ ამბობს. სპეციალურად ამბობენ, მათ შორის პოლონელ მეგობრებთან, რომ შესაძლოა, იყოს სროლა და არეულობა, მაგრამ ვის უნდა ესროლონ? მე ჩემს პატარა შვილთან ერთად მივდივარ, ასევე იქნებიან ევროპარლამენტარები და პოლონეთის პარლამენტის დეპუტატები,“ - უთხრა მიხეილ სააკაშვილმა ერთერთ უკრაინულ არხს.

რამდენიმე დღის წინ სააკაშვილმა თქვა, რომ უკრაინის მთავრობა ყველაფერს აკეთებს საზღვარზე მის შესაჩერებლად: "საზღვარი გაამაგრეს, ჩამოიყვანეს ბრონიტექნიკა, დააყენეს მავთულხლართები. ეს სრულიად უპრეცედენტო მოვლენაა, საბჭოთა კავშირის დროს არ ყოფილა ასეთი გამაგრებები აღმოსავლეთ ევროპულ საზღვრებზე საბჭოთა კავშირთან".

23 ივლისს უკრაინის პრეზიდენტმა პეტრო პოროშენკომ აშშ-ში მყოფ მიხეილ სააკაშვილს უკრაინის მოქალაქეობა ჩამოართვა. მოქალაქეობის გარეშე დარჩენილი სააკაშვილი მას შემდეგ, აშშ-ს გარდა, პოლონეთში, ლიტვაში, უნგრეთში და დანიაში იმყოფებოდა.

ახალი ვიდეო მეტი ვიდეო

ბინის გაქურდვის დროს, თბილისში ერთი კაცი დააკავეს (ვიდეო)

კომენტარები