ხეების მოჭრა

ბოლო ოთხ დღეში, ხე-ტყის უკანონო ჭრის 22 ფაქტი გამოავლინეს

0 კომენტარი
ფოტო: გარემოსდაცვითი დეპარტამენტი

გარემოსდაცვითი ზედამხედველობის დეპარტამენტის თანამშრომლებმა, 2017 წლის 8-11 სექტემბერს, ხე-ტყის უკანონო მოპოვებისა და ტრანსპორტირების 22 ფაქტი გამოავლინეს.

"სამეგრელო-ზემო სვანეთის რეგიონული სამმართველოს სამოქმედო ტერიტორიაზე გამოვლინდა ხე-ტყის უკანონო ტრანსპორტირების ექვსი ფაქტი, დასავლეთის რეგიონული სამმართველოს მასშტაბით - ხუთი ფაქტი, კახეთის რეგიონული სამმართველოს შემთხვევაში ასევე - ხუთი, ხოლო აჭარის, ქვემო ქართლისა და აღმოსავლეთის რეგიონული სამმართველოების ტერიტორიაზე - ორ-ორი ფაქტი" - აცხადებს გარემოსდაცვითი ზედამხედველობის დეპარტამენტი.

ჯამში, ამოღებულია უკანონოდ მოპოვებული 38 მ3 პირველადი გადამუშავების პროდუქტი - ფიცარი, 77 მ3 წიფლის, რცხილას, მუხისა და წიწვოვანი სახეობის მრგვალი ხე-ტყე (მორი) და საშეშე მერქანი.

ამავე პერიოდში, ამოღებულია და ფინანსთა სამინისტროს მომსახურების სააგენტოშია გადატანილი 2 ერთეული დაურეგისტრირებელი სახერხი დანადგარი. 

მასალები, შემდგომი რეაგირებისათვის, შესაბამის უწყებებშია გადაგზავნილი.

არჩევნები 2018

ახალი ვიდეო მეტი ვიდეო

კარინა ყენია

კომენტარები