ქუთაისის მერიაში Courtyard Marriott-ის წარმომადგენელმა და ბიზნესმენმა თემურ ჭყონიამ ურთიერთ თანამშრომლობის მემორანდუმს მოაწერეს ხელი. შეთანხმების მიხედვით თემურ ჭყონია ააშენებს 100-ზე მეტ ნომრიან, 5-ვარსკვლავიან სასტუმროს, ხოლო მართვაში გადაეცემა Courtyard Marriott-ს.
სასტუმრო დავით აღმაშენებლის მოედანზე ახლად აშენებული Mcdonalds-ის გვერდით განთავსდება. ადგილი სადაც 13 მილიონიანი ინვესტიცია უნდა განხორციელდეს ეკონომიკის სამინისტროს საკუთრებაა და მიმდინარეობს შესყიდვის პროცედურები.
ეს ქუთაისის ტურისტულ სექტორში ჩადებული ერთ-ერთი უმსხვილესი ინვესტიციაა და ის 100-ზე მეტ ადამიანს დაასაქმებს.
საქართველოში Marriott-ის ბრენდის ორი სასტუმროა, ორივე სასტუმრო თბილისშია განთავსებული.
თემურ ჭყონიას მიერ ტურიზმის სექტორში განხორციელებულ უმსხვილესი ინვესტიცია 2008 წელს განხსილი "ჯორჯია პალასია". სასტუმროს აშენება $30 მილიონი დაჯდა.