თბილისში ტაშკენტის ქუჩაზე მაღაზიის დაყაჩაღებაში ბრალდებული იდენტიფიცირებულია, თუმცა არა დაკავებული. სამართალდამცველები მას ეძებენ.
ტაშკენტის #23-ში მდებარე მაღაზია ერთმა ადამიანმა დაახლოებით 18:30-ზე დააყაჩაღა. ჩამსხვრეულია მაღაზიის შუშები. თვითმხილველების თქმით, შემთხვევის ადგილზე სროლის ხმაც ისმოდა.
შემთხვევის შედეგად არავინ დაშავებულა.
შინაგან საქმეთა სამინისტრომ გამოძიება სისხლის სამართლის კოდექსის 179-ე, ყაჩაღობის მუხლით დაიწყო.
