მიხეილ სააკაშვილი მხარდამჭერებთან ერთად 17 ოქტომბერს კიევში აქციას გამართავს. ამის შესახებ საქართველოს ყოფილი პრეზიდენტი და უკრაინის ოდესის ოლქის ექს გუბერნატორი ფეისბუქზე წერს. სააკაშვილი ამბობს, რომ მას სამი მოთხოვნა ექნება:ანტიკორუფციული სასამართლოების შექმნა, დეპუტატების ხელშეუხებლობის გაუქმება და ახალი საარჩევნო კანონის მიღება.
”ჩვენ გადავწყვიტეთ 17 ოქტომბერს, კიევში სამოქალაქო აქტივისტების ინიციატივას შევუერთდეთ სამი მოთხოვნით: ანტიკორუფციული სასამართლოების შექმნა, დეპუტატების ხელშეუხებლობის გაუქმება და ახალი საარჩევნო კანონის მიღება. დანარჩენ მოთხოვნებს კი ჩვენ შევკრებთ მთელი უკრაინის მასშტაბით, 17 ოქტომბრამდე", - წერს სააკაშვილი.
სააკაშვილი კიევში ჩასვლას 19 სექტემბერსაც გეგმავს, რადგან, როგორც თავად თქვა, ეს დღე კიევის მფარველი წმინდანის, მიხეილ მთავარანგელოზის დღეა.
