წაღვერის ტყეში ხანძარია. ხანძარი არჯევანიძეების ტყის გაგრძელებაზე, არანახანძრალ ადგილზეა. ამ დროისთვის უცნობია, რა ფართობზეა ცეცხლი გავრცელებული. ხანძრის გამომწვევი მიზეზი, სავარაუდოდ, მეხია.
ადგილზე სახანძრო-სამაშველო ჯგუფები უკვე მუშაობენ. მობილიზებულია შესაბამისი ტექნიკაც. საგანგებო სიტუაციების მართვის სააგენტოს ამ დროისთვის არ აქვს ინფორმაცია, როდის ჩაერთვება სამუშაოებში ვერტმფრენი.
