პატრიოტთა ალიანსის წევრები ადა მარშანია, ნატო ჩხეიძე და გიორგი ლომია მოსკოვში გაემგზავრნენ. პარლამენტის დეპუტატები დუმას წევრებს შეხვდებიან. პატრიოტთა ალიანსის წევრის ადა მარშანიას თქმით, ვიზიტი, სავარაუდოდ, 5 ოქტომბრამდე გაგრძელდება.
"მთავარი სასაუბრო თემა ჩვენთვის ყოველთვის იქნება, სადაც არ უნდა ჩავიდეთ და, რასაკვირველია, პირველ რიგში მოსკოვში, ჩვენი ტერიტორიები, ჩვენი სოხუმი და ცხინვალი და ჩვენი ქვეყნის გამთლიანების უმძიმესი საკითხები," - განაცხადა გამგზავრებამდე ადა მარშანიამ.
საქართველოს პატრიოტთა ალიანსი ბოლო პერიოდში მოსკოვში უკვე მეორედ მიდის. პარტია რუსეთთან პირდაპირი დიალოგის დაწყებასა და საქართველო-NATO-რუსეთის ფორმატის ამოქმედებას ითხოვს.