უკრაინა კატალონიის დამოუკიდებლობის რეფერენდუმს არალეგიტიმურად ცნობს. უკრაინის საგარეო საქმეთა სამინისტროს პრესმდივნის, მარიანა ბეცას განცხადებით, კიევი პატივს სცემს სახელმწიფოების სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში.
„უკრაინა მიიჩნევს, რომ კატალონიაში 1-ელ ოქტომბერს დამოუკიდებლობის შესახებ ჩატარებული რეფერენდუმი არალეგიტიმურია. მისი ჩატარება აკრძალული იყო ესპანეთის საკონსტიტუციო სასამართლოს მიერ, ვინაიდან ესპანეთის კონსტიტუციას ეწინააღმდეგებოდა. უკრაინა დარწმუნებულია, რომ ესპანეთი, როგორც მსოფლიოში დემოკრატიის ერთ-ერთი ლიდერი, დემოკრატიული გზით გადაჭრის შიდაპოლიტიკური ცხოვრების ყველა მწვავე პრობლემას. კიევი პატივს სცემს სახელმწიფოების სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში“, - აცხადებს ბეცა.
კატალონიის დამოუკიდებლობის რეფერენდუმი კვირას ჩატარდა. მასში მონაწილეთა 95%-მა პროცენტი მხარს კატალონიის დამოუკიდებლობას უჭერს. კატალონიის ოფიციალური პირების თქმით, დამოუკიდებლობას "დიახ" 90%-მა პროცენტმა უთხრა. რეფერენდუმში მონაწილეობა 2,26 მილიონმა ადამიანმა მიიღო, რაც მთელი მოსახლეობის 42%-ია, სულ კატალონიაში 5,34 მილიონი ადამიანი ცხოვრობს.
