ახალგაზრდა რეჟისორების გიორგი გოგიჩაიშვილისა და დათო აბრამიშვილის ფილმი "8 წუთი" მანჰეტენის ფესტივალის გამარჯვებულია.
ინფორმაციას ამის შესახებ საზოგადოებრივი მაუწყებელი ფილმის სცენარისტზე, მარიამ ბექაურზე, დაყრდნობით ავრცელებს. ფესტივალის გამარჯვებული ფილმი აპოკალიფსური შინაარსისაა. 8 წუთი - ეს სწორედ ის დროა, რაც მზის ჩაქრობის შემთხვევაში დედამიწაზე სინათლის სხივის გაქრობას სჭირდება.
ფილმში მთავარ როლებს "ხელოვნური სუნთქვის" ვარსკვლავი ანი ბებია, გიორგი შარვაშიძე და სლავა ნათენაძე ასრულებენ.
Sibler Films-ის სადებიუტო ნაშრომისთვის ეს პირველი გამარჯვება არ გახლავთ. 29 სექტემბერს გამართულ სიდნეის ფესტივალზე ფილმი 7 ნომინაციაში იყო წარდგენილი, მათ შორის საუკეთესო ფილმისა და საუკეთესო მუსიკისთვის. 8 წუთმა საუკეთესო სამეცნიერო ფანტასტიკის ჟანრის ფილმის ტიტულის მოპოვება შეძლო.