იუსტიციის უმაღლესმა საბჭომ თბილისის სააპელაციო სასამართლოს მოსამართლე თამარ ალანია უვადო მოსამართლედ აირჩია. ალანია უმაღლესი საბჭოს ყოფილი წევრია.
თამარ ალანია სააპელაციო სასამართლოში არასრულწლოვანი გვანცა ყუფარაძის საქმეს განიხილავდა.
თამარ ალანია სპეციალურმა სამთავრობო კომისიამ სხვა ოთხ კანდიდატთან ერთად, ევრომოსამართლეობის კანდიდატად შეარჩია. თუმცა, საქართველოს მთავრობამ სტრასბურგს მისი კანდიდატურა არ წარუდგინა.
