ახლო აღმოსავლეთი

ISIS-მა სირიასა და ერაყში უკანასკნელ 2 სტრატეგიულ ქალაქზე კონტროლი დაკარგა

0 კომენტარი
ერაყელმა მებრძოლებმა ალ-ყაიმში დროშა აღმართეს ფოტო: BBC

ე.წ. ისლამურმა სახელმწიფომ (ISIS) სირიასა და ერაყში უკანასკნელ ორ სტრატეგიულ ქალაქზე კონტროლი დაკარგა. 

დღეს დილით სირიამ გამოაცხადა, რომ მათ ქალაქი დეირ აზ-ზორი აიღეს, მოგვიანებით კი ერაყის პრემიერმინისტრმა განაცხადა, რომ საზღვართან მდებარე ქალაქი ალ-ყაიმი ქვეყნის ძალების ხელში მოექცა. 

"ქალაქი რეკორდულ დროში აიღეს,"- ამბობს ჰაიდარ ალ-აბადი.

ერაყის შეიარაღებული ძალების ცნობით, სირიასა და ერაყს შორის არსებული უკანასკნელი პუნქტი, რომელიც ისლამური სახელმწიფოს ხელში იყო, მათი კონტროლის ქვეშაა.

გასულ თვეში აშშ-ის მხარდაჭერილმა სირიულმა კავშირმა კონტროლი დაამყარა ქალაქ რაქაზე, რომელიც ისლამური სახელმწიფოს დედაქალაქი იყო, ე.წ. ხალიფატი. ივლისში კი, თვეების მანძილზე ბრძოლის შემდეგ ერაყმა თავისი სიდიდით მეორე ქალაქი მოსული დაიბრუნა. 

ახალი ვიდეო მეტი ვიდეო

ლაშა ბუღაძე

კომენტარები