საქართველოს საფეხბურთო ნაკრებს მომდევნო ორი წლის განმავლობაშიც სლოვაკი მწვრთნელი ვლადიმირ ვაისი უხელმძღვანელებს. ფეხბურთის ფედერაციასთან მიღწეული შეთანხმების შესახებ ვაისმა დღეს გამართულ პრესკონფერენციაზე განაცხადა.
"შევთანხმდით, რომ კიდევ ორი წელი ვიმუშავებ საქართველოს ნაკრებში",- პრესკონფერენციაზე თქვა ვაისმა.
ვაისი საქართველოს ეროვნული ნაკრების მწვრთნელად 2016 წლის მარტში დაინიშნა.
ვაისის ხელმძღვანელობით საქართველოს ნაკრების მიღწევები ასე გამოიყურება:
8 წაგება, 7 ფრე და 3 მოგება (სამივე ამხანაგური).
არცერთ ოფიციალურ მატჩში ნაკრებს მოგება არ ჰქონია. ასევე, ისტორიაში მეორედ, საქართველომ ვერ მოახერხა საკვალიფიკაციო ეტაპის ჯგუფში ერთი მატჩის მოგებაც.
