ქუთაისსა და ახმეტაში, ავტოსაგზაო შემთხვევების შედეგად, ორი ქვეითი გარდაიცვალა. ქალს და მამაკაცს გზაზე გადასვლისას, მსუბუქი ავტომობილი დაეჯახა.
შინაგან საქმეთა სამინისტროს ცნობით, აღნიშნულ ფაქტებზე გამოძიება სსკ-ის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.
