ეროვნულმა ბანკმა დღეს ფულადი გზავნილების 10 თვის მაჩვენებლები გამოაქვეყნა, რომლის მიხედვითაც წელს ფულადი გზავნილების სახით $1.11 მილიარდი დოლარი შემოვიდა, რაც 2016 წელთან შედარებით 19.7%-ით მეტია.
ფულადი გზავნილების უმთავრესი წყარო საქართველოდან უცხოეთში ემიგრირებული ქართველი მოსახლეობის მიერ გამოგზავნილი თანხებია, შესაბამისად, გზავნილების რეიტინგში ის ქვეყნები ლიდერობენ, სადაც მეტი ემიგრანტი ცხოვრობს.
ქვეყნების მიხედვით, გზავნილებში პირველ ადგილზე რუსეთია, საიდანაც იანვარ-ოქტომბერში $371 მილიონი გადმოირიცხა, $117 მილიონით მეორე ადგილზე ამერიკის შეერთებული შტატებია. ზრდის ტემპი კი ყველაზე მაღალი ისრაელიდან შემოსულ გზავნილებზეა, რომელბიც წელს 99%-ით გაიზარდა.
2017 წლის 10 თვის მიხედვით ფულადი გზავნილების რეიტინგი:
- რუსეთი - $371 მილიონი, ზრდა წინა წელთან 16.8%
- აშშ - $117.2 მილიონი, ზრდა წინა წელთან 13.6%
- იტალია - $114.7 მილიონი, ზრდა წინა წელთან 15.8%
- საბერძნეთ - $113 მილიონი, ზრდა წინა წელთან 9%
- ისრაელი - $95.2 მილიონი, ზრდა წინა წელთან 99%
- თურქეთი - $89 მილიონი, ზრდა წინა წელთან 27%
- ესპანეთი - $29 მილიონი, ზრდა წინა წელთან 15%
- გერმანია - $27 მილიონი, ზრდა წინა წელთან 10%
- უკრაინა - $21 მილიონი, ზრდა წინა წელთან 29%
- საფრანგეთი - $14 მილიონი, ზრდა წინა წელთან 14.2%
