ლარის გაუფასურება

ლარი დოლართან 3.8, ევროსთან კი 4.6 თეთრით გამყარდა

0 კომენტარი
ფოტო: ეროვნული ბანკი

ეროვნული ვალუტა 20 ნოემბრის ვაჭრობის შედეგად გამყარდა. დოლართან მიმართებით გამყარებამ 3.8 თეთრი შეადგინა, რის შედეგადაც კურსი 2.689 ლარი გახდა. 

ევროსთან მიმართებით კი გამყარებამ 4.6 თეთრი შეადგინა, რის შედეგადაც ახალი კურსი 3.1717 ლარი გახდა.

"რასაც ვუყურებთ არის ის, რომ საკმაოდ ბევრი ფორვარდული გარიგებები დაიდო ბაზარზე, რაც ნიშნავს იმას, რომ ჩვენ იანვრის დასაწყისიდან ვალუტაზე მოთხოვნა უნდა დაგვაკლდეს", - ამბობს ეკონომიკის მინისტრი დიმიტრი ქუმსიშვილი. თუმცა აქვე აღნიშნავს, რომ ქვეყანაში მცურავი გაცვლითი კურსია, შესაბამისად მისი პროგნოზირება შეუძლებელია.

ქუმსიშვილი ეთანხმება ეროვნული ბანკის განცხადებას, რომ ლარის კურსი ფუნდამენტური მდგომარეობიდან არის გადახრილი. სებ-ის შეფასებით, იმის გამო რომ კურსზე მოქმედი ძირითადი მაკროეკონომიკური ფაქტორები (ტურიზმი, ექსპორტი, ფულადი გზავნილები) დაახლოებით 30%-ით არის გაუმჯობესებული ნიშნავს, რომ გაუფასურება არა ამ ფაქტორებმა, არამედ ბაზარზე არსებულმა მოლოდინებმა გამოიწვია.

ქუმსიშვილის თქმით, ის მიესალმება სებ-ის გადაწყვეტილებას, რომლის მიხედვითაც ბანკი გაზრდილი ინფლაციის შემთხვევაში, მონეტარული პოლიტიკის გამკაცრებისთვის მზად არის.

"კიდევ ერთხელ გავიმეორებ, ყველანაირი პროგნოზისგან თავს შევიკავებ. აქვე ვიტყვი, რომ ეროვნული ბანკის განცხადება იყო მნიშვნელოვანი, რომელიც გუშინ დილით გაკეთდა. ეროვნულმა ბანკმა გააკეთა განცხადება, რომლის მიხედვითაც, ეროვნული ბანკი მის ხელთ არსებული ინსტრუმენტების გამოყენებით მოახდენს ბაზარზე გავლენას იმ შემთხვევაში, თუ ისინი დაინახავენ, რომ ფუნდამენტიდან უკვე საკმაოდ დიდი ხნის განმავლობაში არის გადახრილი ლარის კურსი", - ამბობს ქუმსიშვილი.

 

ახალი ვიდეო მეტი ვიდეო

ლაშა ბუღაძე

კომენტარები