თბილისის მერიის ინფორმაციით, 00:00 საათიდან 07:00 საათამდე, საახალწლო ილუმინაციების მონტაჟის სამუშაოების გამო, ვარდების მოედნიდან თავისუფლების მოედნამდე რუსთაველის გამზირი გადაიკეტება.
უწყებაში აღნიშნავენ, რომ სამონტაჟო სამუშაოები აღნიშნულ ტერიტორიაზე, ამავე საათებში, 3 დეკემბრის ჩათვლით გაგრძელდება. ჯერ-ჯერობით უცნობია გადაიკეტება თუ არა რუსთაველის გამზირი ამ დღეებშიც, მერიაში ტაბულას უთხრეს, რომ შესაბამის ინფორმაციას მოგვიანებით გაავრცელებენ.
00:00 საათიდან 07:00 საათამდე ნაწილობრივ შეიზღუდება მოძრაობა კოსტავას გამზირზეც, თბილისის საკონცერტო დარბაზიდან მეტრო რუსთაველამდე.
თბილისის მერიის ინფორმაციით, სამუშაოებს შპს "თბილსერვის ჯგუფი" ახორციელებს.
უწყება მოქალაქეებს შეფერხებისთვის ბოდიშს უხდის.