სპეცოპერაცია ბერი გაბრიელ სალოსის ქუჩაზე

სპეცოპერაციის საქმეზე, დღეს პარლამენტის ნდობის ჯგუფი ვახტანგ გომელაურს მოუსმენს

0 კომენტარი
ვახტანგ გომელაური ფოტო: ტაბულა

ბერი გაბრიელ სალოსის ქუჩაზე ჩატარებული სპეცოპერაციის საქმეზე პარლამენტის ნდობის ჯგუფი სახელმწიფო უსაფრთხოების სამსახურის უფროსს, ვახტანგ გომელაურს მოუსმენს. შეხვედრა დღეს, 21:00 საათზე გაიმართება.

ნდობის ჯგუფის შეხვედრაზე მიწვეულები არიან სახელმწიფო უსაფრთხოების სამსახურის უფროსი, ვახტანგ გომელაური და უწყების სხვა პასუხისმგებელი პირები.

ბერი გაბრიელ სალოსის ქუჩაზე სპეცოპერაცია 22 ნოემბერს ჩატარდა. სუს-ის ინფორმაციით, "დაკავებულია დანაშაულებრივი ჯგუფის 1 წევრი და ლიკვიდირებულია - 3". დაკავებული ტერორისტული ორგანიზაციის წევრობაში ბრალდებული - საედი დუდაევია. ასევე მხოლოდ რამდენიმე დღის წინ გახდა ცნობილი, რომ ლიკვიდირებულთა შორის ერთ-ერთი, ISIS-ის მებრძოლი - ახმედ ჩატაევია.

ამ დრომდე უცნობია დანარჩენი ორი მოკლულის ვინაობა. კითხვები არსებობს იმაზეც, როგორ მოხვდა ე.წ დანაშაულებრივი ჯგუფი საქართველოში და რა მიზანი ჰქონდათ მის წევრებს - აპირებდნენ თუ არა ტერაქტის მოწყობას და როგორ შემოიტანეს იარაღი ქვეყანაში. 

21-22 ნოემბერს, თბილისში სპეცოპერაცია 20 საათის განმავლობაში მიმდინარეობდა. ბრალდებულებმა სამართალდამცავებს ცეცხლი გაუხსენეს. სპეცოპერაციისას ერთი სპეცრაზმელი გარდაიცვალა. 

ახალი ვიდეო მეტი ვიდეო

ბანკისა და აფთიაქის დაყაჩაღებისთვის წარსულში ნასამართლევი პირი დააკავეს

კომენტარები