ეროვნული ბანკის მონაცემებით, 2017 წლის ოქტომბერში საქართველოში გაცემული საგადახდო ბარათებით უცხოეთის ტერიტორიაზე 134 მილიონი ლარის ოპერაციები შესრულდა. ეს მაჩვენებელი რეკორდულად მაღალია და ის 2016 წლის შესაბამისი პერიოდის მაჩვენებელს 30%-ით აღემატება. 2017 წლის იანვარ-ოქტომბერში ქართული ბარათებით უხოეთში ჯამში 1.09 მილიარდი ლარი ($404 მილიონი დღევანდელი კურსით) დაიხარჯა, რაც 2016 წლის მაჩვენებელს 28%-ით აღემატება.
უცხოეთში დახარჯული თანხის მატება შესაძლოა ვიზალიბერალიზაციას უკავშირდებოდეს, ევროკავშირის წინასწარი მონაცემებით, შენგენის ზონაში უვიზო რეჟიმით 90 000-ზე მეტმა საქართველოს მოქალაქემ ისარგებლა.
უცხოელი ტურისტები საქართველოში VS ქართველი ვიზიტორები უცხოეთში
სებ-ის მონაცემებით, 2017 წლის 9 თვეში საქართველოში მყოფმა უცხოეთის მოქალაქეებმა $2.16 მილიარდი დოლარი დახარჯეს.
ამ პერიოდში საქართველოში 2.78 მილიონი ტურისტი იმყოფებოდა, შესაბამისად, საშუალო ტურისტის მიერ ქვეყანაში დახარჯული თანხა $777.4 დოლარია.
