პაატა ბურჭულაძე მთავარ პროკურატურაში არის დაბარებული. ინფრომაცია ამის შესახებ, ტაბულას მთავარ პროკურატურაში დაუდასტურეს. პროკურატურის პრესსამსახურის ინფორმაციით, ბურჭულაძე გამოსაკითხად ფონდ "იავნანას" მიერ დიდი ოდენობით თანხის მითვისება-გაფლანგვის ფაქტზეა დაბარებული.
"საქართველოს მთავარ პროკურატურაში მიმდინარე სისხლის სამართლის საქმეზე, 2017 წლის 13 დეკემბერს, მოწმის სახით გამოსაკითხად გამოძახებულია ააიპ „უდედმამო და მშობლების მზრუნველობას მოკლებულ ბავშვთა ფონდი იავნანა“-ს დამფუძნებელი - პაატა ბურჭულაძე. საქმე ეხება ფონდის დიდი ოდენობით თანხის სამსახურებრივი მდგომარეობის გამოყენებით, შესაძლო მითვისება-გაფლანგვის ფაქტს. უწყება პირის მოწმის სახით გამოძახების შესახებ, პაატა ბურჭულაძის ოჯახის წევრს ჩაბარდა დღეს 11 დეკემბერს." - ამბობს პროკურატურის პრესასთან ურთიერთობის სამსახურის უფროსი ნათია სუხიაშვილი.
პაატა ბურჭულაძე