ტაბულამ საქართველოს შინაგან საქმეთა სამინისტროსგან გამოითხოვა ინფორმაცია იმის შესახებ თუ რამდენმა პირმა ისარგებლა შენგენის ზონაში უვიზო მიმოსვლით. სამინისტროსგან მიღებული ოფიციალური წერილის მიხედვით, 2017 წლის 28 მარტიდან - 2017 წლის 4 დეკემბრის შუალედში შენგენის ზონაში საქართველოდან 174,596 გამგზავრების ფაქტი დაფიქისრდა, საიდანაც 494, ანუ 0.3% საზღვარზე არ შეუშვეს.
შსს-ს განმარტებით აღნიშნული სტატისტიკა მხოლოდ საჰაერო გზით შენგენის ზონაში ვიზიტის ფაქტებს ეხება, შესაბამისად მაღალი ალბათობით იმ ადამიანთა რაოდენობა, ვინც უვიზო რეჟიმით ისარგებლა 174,102-ს აღემატება.
რაც შეეხება საზღვრიდან გამობრუნების შემთხვევებს, მათი მთლიანი რაოდენობა 494-ია. ქვეყნების მიხედვით, გამობრუნებულ პირთა ზუსტი სტატისტიკა ასე გამოიყურება:
- იტალია - 98 გამობრუნება
- პოლონეთი - 98 გამობრუნება
- საბერძნეთი - 68 გამობრუნება
- კვიპროსი - 59 გამობრუნება
- გერმანია - 45 გამობრუნება
- უნგრეთი - 41 გამობრუნება
- ლიტვა - 27 გამობრუნება
- ბელგია - 15 გამობრუნება
- ნიდერლანდები - 13 გამობრუნება
- საფრანგეთი - 11 გამობრუნება
- ესტონეთი - 6 გამობრუნება
- შვედეთი - 4 გამობრუნება
- ესპანეთი -3 გამობრუნება
- დანია - 2 გამობრუნება
- შვეიცარია - 2 გამობრუნება
- ფინეთი - 2 გამობრუნება
მონაცემები 2017 წლის 28 მარტი - 4 დეკემბრის შუალედს ასახავს.