2018 წლის 1 იანვრიდან ენერგო პროს აბონენტებისთვის ელექტროენერგიის სამომხმარებლო ტარიფი 1.28 თეთრით გაიზრდება. სემეკმა დღევანდელ სხდომაზე თელასის ტარიფიც გაზარდა.
საფეხურების მიხედვით, განახლებული ტარიფები ასე გამოიყურება:
- პირველი საფეხური 100 კილოვატ საათამდე - აქამდე მოქმედი ტარიფი 12.95 თეთრი კილოვატ საათზე, ახალი ტარიფი - 14.23 თეთრი კილოვატ საათზე.
- მეორე საფეხური 101-300 კილოვატ საათამდე - აქამდე მოქმედი ტარიფი 16.93 თეთრი კილოვატ საათზე, ახალი ტარიფი - 18.21 თეთრი კილოვატ საათზე
- მესამე საფეხური 300 კილოვატზე მეტი - აქამდე მოქმედი ტარიფი 21.45 თეთრი კილოვატ საათზე, ახალი ტარიფი 22.7 თეთრი კილოვატ საათზე.
თელასის აბონენტებისთვის კი განახლებული ტარიფები ასე გამოიყურება:
- პირველი საფეხური 100 კილოვატ საათამდე - აქამდე მოქმედი ტარიფი 12.980 თეთრი კილოვატ საათზე, ახალი ტარიფი - 14.54 თეთრი კილოვატ საათზე.
- მეორე საფეხური 101-300 კილოვატ საათამდე - აქამდე მოქმედი ტარიფი 16.992 თეთრი კილოვატ საათზე, ახალი ტარიფი - 18.55 თეთრი კილოვატ საათზე
- მესამე საფეხური 300 კილოვატზე მეტი - აქამდე მოქმედი ტარიფი 21.476 თეთრი კილოვატ საათზე, ახალი ტარიფი 23.03 თეთრი კილოვატ საათზე.
განახლებული ტარიფი 2018-2020 წლებში იმოქმედებს.
სემეკმა დღესვე ენერგო პრო ჯორჯიას ტარიფიც უნდა დაადგინოს.
ტარიფების გაძვირებას ელექტროენერგიის წარმოების, გადაცემისა და დისპეჩერიზაციის გაძვირებული ტარიფების დადგენა უძღვოდა წინ.
