ელიავას ბაზრობის მიმდებარე ტერიტორიაზე კორპუსის მშენებლობისას 2 მუშა დაშავდა.
ინტერპრესნიუსის ინფორმაციით, ობიექტიდან სამშენებლო მასალა - ფიცარი ჩამოვარდა და ორ ადამიანს დაეცა. მათ სხეულის დაზიანება მიიღეს.
შსს-ს ცნობით, სასწრაფო სამედიცინო სამსახურის ბრიგადამ ორივე დაშავებული საავადმყოფოში გადაიყვანა.
ადგილზე სამართალდამცველები იმყოფებიან და მიმდინარეობს საგამოძიებო მოქმედებები.