დიდ ბრიტანეთს მარტოობის მინისტრი ეყოლება - თანამდებობას სპორტისა და სამოქალაქო საზოგადოების მინისტრის მოადგილე, ტრეისი კრაუჩი დაიკავებს.
2017 წელს ჩატარებული კვლევის თანახმად, ამჟამად დიდ ბრიტანეთში 9 მილიონი მარტოხელა ადამიანი ცხოვრობს, ასევე კვლევაში ნათქვამია, რომ ადამიანებს მარტოობა ზუსტად ისევე აზარალებთ, როგორც დღეში სიგარეტის 15 ღერის მოწევა.
"მარტოობა ძალიან სევდიანი რეალობაა დღევანდელ სამყაროში" - თქვა პრემიერმინისტრმა ტერეზა მეიმ.
მარტოობის მინისტრის თანამდებობის შექმნის იდეა, ლეიბორისტი დეპუტატს ჯო კოქსს ეკუთვნოდა, რომელიც 2016 წელს რეფერენდუმამდე ნაციონალისტურ ნიადაგზე მოკლეს. მან პარლამენტში 2014 წელს მარტოობის თემაზე მომუშავე კომისიაც შექმნა.
