უკანონო თევზჭერა

მდინარე მტკვრიდან კუსტარული თევზსაჭერი მოწყობილობები ამოიღეს

0 კომენტარი
ფოტო: გარემოს დაცვის სამინისტრო

გარემოს დაცვისა და სოფლის მეურნეობის სამინისტროს თანამშრომლებმა, მდინარე მტკვრიდან კუსტარული თევზსაჭერი მოწყობილობები ამოიღეს. ამის შესახებ განცხადებას გარემოს დაცვის სამინისტრო ავრცელებს.

"ქარელის მუნიციპალიტეტის სოფლების - სამწევრისისა და ურბნისის მიმდებარე ტერიტორიაზე გატარებული პრევენციული ღონისძიებების შედეგად, მდინარე მტკვრიდან კუსტარული თევზსაჭერი მოწყობილობები - საბურავებით აწყობილი მახეები ე.წ. "ოჩხები" ამოიღეს. კუსტარული თევზსაჭერი მოწყობილობებიდან ამოღებული ცოცხალი თევზები, დეპარტამენტის თანამშრომლებმა, ადგილზე, მდინარეში დააბრუნეს." - წერია განცხადებაში.

სამართალდამრღვევის იდენტიფიცირების მიზნით, ინფორმაცია შინაგან საქმეთა სამინისტროს შიდა ქართლის პოლიციის დეპარტამენტს გადაეგზავნება. 

ახალი ვიდეო მეტი ვიდეო

მოპედის ქურდობისთვის თბილისში ერთი პირი დააკავეს (ვიდეო)

კომენტარები