რიკოთის გვირაბთან მომხდარ ავტოავარიას ექვსი ადამიანის სიცოცხლე ემსხვერპლა. საპირისპირო მიმართულებით მიმავალი ტრაილერი მსუბუქ ავტომანქანას დაეჯახა.
გავრცელებული ინფორმაციით, დაღუპულები ერთი ოჯახის წევრები და მათი ნათესავები არიან, მათ შორისაა ორი არასრულწლოვანიც.
შსს-ს ინფორმაციით, ტრაილერის მძღოლი დაკავებულია, გამოძიება სისხლის სამართლის კოდექსის 276-ე მუხლის მე-7 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ორი ან მეტი ადამიანის სიცოცხლის მოსპობა გამოიწვია.
