2018 წლის იანვარში საქართველოს 444,241 საერთაშორისო მოგზაური ეწვია, რაც 57,171-ით მეტია წინა წლის ანალოგიურ პერიოდთან შედარებით (ზრდა +14.8%). იანვარში ყველაზე მეტი ვიზიტორი აზერბაიჯანიდან (+0.8%), თურქეთი(+20.1%), სომხეთი (+20.9%), რუსეთი (+14.6%) და ირანიდან (+92.4%) შემოვიდა. თუ წლის ბოლომდე ზრდა ამ ტემპებით შენარჩუნდა 2018 წელს ვიზიტორთა რაოდენობა 8 მილიონს გადააჭარბებს
ქვეყნების მიხედვით, ვიზიტორთა რაოდენობა ასე გამოიყურება:
- აზერბაიჯანი - 116,503 ვიზიტორი, ზრდა წინა წელთან 0.8%
- თურქეთი - 94,959 ვიზიტორი, ზრდა წინა წელთან 20%
- სომხეთი - 93,711 ვიზიტორი, ზრდა წინა წელთან 21%
- რუსეთი - 71,141 ვიზიტორი, ზრდა წინა წელთან 14.6%
- ირანი - 15,570 ვიზიტორი, ზრდა წინა წელთან 92%
- უკრაინა - 10,497 ვიზიტორი, ზრდა წინა წელთან 2%
- ინდოეთი - 3,792 ვიზიტორი, ზრდა წინა წელთან 47%
- ისრაელი - 3,006 ვიზიტორი, ზრდა წინა წელთან 76%
- ყაზახეთი - 2,447 ვიზიტორი, ზრდა წინა წელთან 7.7%
- ფილიპინები - 2,379 ვიზიტორი, ზრდა წინა წელთან 19%
რამდენი იყო ამ ვიზიტორებში ტურისტი
ამ 444 ათასი ადამიანიდან საქართველოში 24 საათზე მეტხანს 189 ათასი ვიზიტორი დარჩა, ეს კი წინა წელთან შედარებით 23%-ით მეტია. საერთაშორისო კლასიფიკაციის მიხედვით, ტურისტებად სწორედ ის ვიზიტორები უნდა ჩაითვალონ, ვინც ქვეყანაში 24 საათზე მეტი ხნით რჩებიან და ქვეყნის მომსახურების სექტორს (რესტორნები, სასტუმროები და ა.შ.) იყენებენ.