დღეს, 12 თებერვალს თბილისის საკრებულოს რიგგარეშე სხდომაზე საკრებულოს თავმჯდომარეს ირაკლი შიხიაშვილსა და ერთიანი ნაციონალური მოძრაობის დეპუტატს თამაზ შოშიაშვილს შორის შელაპარაკება მოხდა.
შიხიაშვილმა თავისი ყოფილი თანაგუნდელი თამაზ შოშიაშვილი ჰომო საპიენსად მოიხსენია, რამაც ენმ-ის დეპუტატის უკმაყოფილება გამოიწვია.
"ჰომო საპიენსები ვართ ყველა. ძალიან უცნაურია, საკრებულოს თავმჯდომარე საკრებულოს დეპუტატებს ჰომო საპიენსებად რომ მოიხსენიებს" - თქვა შოშიაშვილმა.
დეპუტატის უკმაყოფილების შემდეგ, შიხიაშვილმა მას ჰკითხა, იცოდა, თუ არა სიტყვის მნიშვნელობა, რადგან ეს სიტყვა "თარგმანში გონიერ ადამიანს ნიშნავს, რაზეც შოშიაშვილმა უპასუხა:
"ვიცი მნიშვნელობა, მაგრამ ცოტა სხვა სიტყვებით ვისაუბროთ".