ემანუელ მაკრონი

მაკრონი: თუ ქიმიური იარაღის გამოყენება დამტკიცდება, სირიას დავარტყამთ

0 კომენტარი
ფოტო: AFP

საფრანგეთის პრეზიდენტი, ემანუელ მაკრონი აცხადებს, რომ იმ შემთხვევაში, თუ სირიის მთავრობის მიერ მშვიდობიან მოქალაქეებზე ქიმიური თავდასხმის ფაქტი დადასტურდება, საფრანგეთი სირიაში დარტყმებს განახორციელებს.

"ჩვენ დავარტყამთ იმ ადგილს, სადაც ეს თავდასხმები მზადდება." უთხრა მან ჟურნალისტებს. მაკრონის თქმით ქიმიური იარაღი მისი მთავრობისათვის "წითელი ხაზია".

თუმცა, მაკრონის თქმით, საფრანგეთის სადაზვერვო სამსახურებმა ჯერ-ჯერობით ვერ იპოვეს აკრძალული ქიმიური იარაღის გამოყენების მტკიცებულება.

"როგორც კი მტკიცებულება იქნება, გავაკეთებ იმას, რაც ვთქვი. პრიორიტეტი ტერორისტებთან ბრძოლაა." თქვა მან.

შეგახსენებთ, რომ გასულ თვეს ამბოხებულების მიერ კონტროლირებად ტერიტორიაზე სავარაუდოდ ქიმიური ბომბის ჩამოგდების შედეგად 9 ადამიანი დაშავდა.

სირიის მთავრობა ქიმიური იარაღის გამოყენებას და მშვიდობიან მოსახლეობაზე თავდასხმას უარყოფს.

აშშ-ის ოფიციალური პირების თქმით შესაძლოა სირიის მთავრობა ახალი ტიპის ქიმიური იარაღის შექმნაზე მუშაობდეს და დონალდ ტრამპი მზადაა ამ იარაღის გამოყენების თავიდან ასარიდებლად დამატებითი სამხედრო ქმედებების აუცილებლობა განიხილოს.

მათი თქმით ბაშარ ალ-ასადმა სირიის ქიმიური იარაღის ნაწილი საიდუმლოდ შეინახა მიუხედავად რუსეთის და აშშ-ის შეთანხმებისა, რომელის მიხედვითაც სირიას მთელი იარაღი გასანადგურებლად უნდა გადაეცა. ისინი ვარაუდობენ, რომ რადგან ასადის რეჟიმს ოპოზიციის მიერ კონტროლირებადი ტერიტორიების ასაღებად საკმარისი ძალა არ აქვს, შესაძლოა მათ მცირე ქიმიური თავდასხმები ტერორის ინსტრუმენტად გამოიყენონ.

გაეროში აშშ-ის ელჩმა, ნიკი ჰეილიმ უშიშროების საბჭოში რუსეთი სირიაში ასადის რეჟიმის მიერ ქიმიური იარაღის გამოყენებაზე თვალის დახუჭვის გამო გააკრიტიკა.

გაეროს ანგარიში მიხედვით სირიის ქალაქ დუმაში ქიმიური იარაღის, კონკრეტულად კი ქლორის გაზის გამოყენება დადასტურდა. ქიმიური იარაღის გამოყენებას 20 მშვიდობიანი მოქალაქე შეეწირა, მათ შორის ბავშვები.

რუსეთმა გაეროს უშიშროების საბჭოში რეზოლუციას, რომელიც სირიაში ქიმიური იარაღის გამოყენებაზე საერთაშორისო გამოძიების შეეხებოდა, ვეტო სამჯერ დაადო.

ახალი ვიდეო მეტი ვიდეო

მოპედის ქურდობისთვის თბილისში ერთი პირი დააკავეს (ვიდეო)

კომენტარები