ბრიტანეთში ნარკომომხმარებლები ჩივიან, რომ 5 გირვანქა სტერლინგის ახალი ბანკნოტით კოკაინის გაყნოსვის დროს ცხვირი ეჭრებათ.
თვითდაზიანებას, რომელიც მათ ადგებათ, უკვე ეწოდა "უინსტონიზაცია", ვინაიდან 5-გირვანქიან ბანკნოტზე უინსტონ ჩერჩილია გამოსახული.
კოკაინის ანონიმურმა მომხმარებელმა გამოცემა "მეტროს" უთხრა:
"ვფიქრობდი, რომ მე ვიყავი ერთადერთი, რომელმაც ახალი 5-გირვანქიანით ცხვირი გაიჭრა, მაგრამ როდესაც მეგობარს ამის შესახებ მოვუყევი, მითხრა, რომ ეს "უინსტონიზაციაა" და ყველას ემართება".
კოკაინის ბანკნოტით გაყნოვსვის და ამით მიყენებული დაზიანების გამო ნარკომომხმარებლები კიდევ ერთი საფრთხის - ინფექციის გავრცელების წინაშე დგანან.
ნარკოტიკული განათლების ეროვნული სერვისის საიტზე, რომელიც მთავრობის ჯანდაცვის დეპარტამენტს ეკუთვნის, წერია, რომ კოკაინის მისაღებად საერთო ბანკნოტის მოხმარება ისეთივე საფრთხის შემცველია, როგორც ნემსის გაზიარება - ეს B და C ჰეპატიტის, ასევე აივ/შიდსის გადადების რისკს ზრდის. საიტზე ასევე ნათქვამია, რომ ზოგადად კოკაინის მიღება ცხვირის შიდა გარსს აზიანებს და ინფექციებისადმი "ღიას" ხდის.
ძველი 5-გირვანქიანი ბანკნოტები ბრიტანეთში მიმოქცევიდან გასულ კვირას ამოიღეს.
ახალი პოლიმერული ბანკნოტები, რომელიც გასული წლის სექტემბერში გამოიცა, ძველის მსგავსად, ქაღალდისაა, თუმცა გაცილებით მეტად გამძლე, სუფთა და გასაყალბებლად რთული.
