ჩინეთში მარქსიზმ-ლენინიზმისა და მაო ძედუნის მოძღვრებებმა მორიგ წარმატებას მიაღწია - სამთავრობო ცენზურამ ლათინური ანბანის ასო N აკრძალა.
ჩინეთში ბოლო 5 დღის განმავლობაში ცენზურა გააქტიურდა, რისი მიზეზიც კომუნისტური პარტიის ყრილობის ინიციატივაა გაუქმდეს პრეზიდენტად არჩევის ლიმიტი. ლიმიტის გაუქმება პრეზიდენტ სი ძინპინს ხელისუფლებაში პრაქტიკულად უვადოდ დარჩენის საშუალებას მისცემს.
ცენზურის ახალი ტალღა ქვეყნის კონტროლირებად სამესიჯო აპლიკაციებს შეეხო, მომხმარებლები ვეღარ აგზავნიან სიტყვებს - იმპერატორი, პიროვნების კულტი და ასე შემდეგ. აიკრძალა ლათინური ასო N-ის გამოყენებაც. CNN-ის ინფორმაციით, N გამოხატავს სიტყვა Number-ის დასაწყისს, რაც სავარაუდოდ საპრეზიდენტო ვადებზე მიანიშნებს.
აკრძალული სიტყვების სია:
ვეწინააღმდეგები
ფოტო: Getty Images
სამარცხვინო
პიროვნების კულტი
1984
ცხოველების ფერმა
მონობა (საუბარია სიტყვა მონობაზე)
ვემიგრირდეთ
ფოტო:
Slate
ლიანდაგები შეიცვალა
გვირგვინამდე აღზევება
სი ძედუნი
დიდება იმპერატორს
ფოტო: scmp.com
ასევე აიკრძალა:
- ისტორიის ბორბალი
- ნებაყოფლობით ვხდები ვეგეტარიანელი
- ხელები დავიკაპიწოთ
სი ძინპინი 2012 წლის ნოემბრიდან ჩინეთის სახალხო რესპუბლიკის გენერალური მდივანი და 2013 წლის მარტიდან ჩინეთის სახალხო რესპუბლიკის პრეზიდენტი და ჩინეთის ცენტრალური სამხედრო კომიტეტის თავმჯდომარეა.
