ეროვნული ბანკის მონაცემებით, 2018 წლის იანვარ-თებერვალში საქართველოში ფულადი გზავნილების სახით $223 მილიონი შემოვიდა, რაც წინა წელთან შედარებით 25%-ით მეტია.
ფულადი გზავნილების უმთავრესი წყარო საქართველოდან უცხოეთში ემიგრირებული ქართველი მოსახლეობის მიერ გამოგზავნილი თანხებია, შესაბამისად, გზავნილების რეიტინგში ის ქვეყნები ლიდერობენ, სადაც მეტი ემიგრანტი ცხოვრობს.
ქვეყნების მიხედვით, გზავნილებში პირველ ადგილზე რუსეთია, საიდანაც $64 მილიონი გადმოირიცხა, $27 მილიონით მეორე ადგილზე იტალიაა.
ფულად გზავნილებში ქვეყნების რეიტინგი
- რუსეთი - $64მილიონი, ზრდა წინა წელთან 13%
- იტალია - $27.8 მილიონი, ზრდა წინა წელთან 42%
- საბერძნეთი - $25.7 მილიონი, ზრდა წინა წელთან 32%
- ისრაელი - $23.5 მილიონი, ზრდა წინა წელთან 68%
- აშშ - $18.9 მილიონი, კლება წინა წელთან 4%
- თურქეთი - $18.7 მილიონი, ზრდა წინა წელთან 35%
- გერმანია - $5.8 მილიონი, ზრდა წინა წელთან 30%
- ესპანეთი - $5.7 მილიონი, ზრდა წინა წელთან 27%
- უკრაინა - $4 მილიონი, ზრდა წინა წელთან 17%
- აზერბაიჯანი - $2.7 მილიონი, ზრდა წინა წელთან 8%
2017 წლის განმავლობაში საქართველოში ფულადი გზავნილების სახით $1.37 მილიარდი შემოვიდა, რაც წინა წელთან შედარებით 20%-ით მეტი იყო.
