საბაგიროს მწყობრიდან გამოსვლა

საბაგიროს მწყობრიდან გამოსვლაზე გამოძიება უსაფრთხოების დარღვევის მუხლით დაიწყო

0 კომენტარი
ფოტო: შსს

შინაგან საქმეთა სამინისტრომ გუდაურში საბაგიროს მწყობრიდან გამოსვლის ფაქტზე გამოძიება დაიწყო.

"გუდაურში, სათხილამურო ტრასაზე, პირველადი ინფორმაციით, საბაგირო ავარიულად გაჩერდა და უკუსვლით ამოძრავდა, რის შედეგადაც, წინასწარი მონაცემებით, 10 მოქალაქე დაშავდა.

შინაგან საქმეთა სამინისტროს მოთხილამურე პატრულები შემთხვევის ადგილზე დაუყოვნებლივ მივიდნენ, სამაშველო სამსახურის თანამშრომლებთან ერთად, დაშავებულებს დახმარებას უწევენ და საავადმყოფოში გადაჰყავთ. 7 დაშავებული სხვადასხვა დაზიანებით უკვე გადაყვანილია ამბულატორიებსა და სხვადასხვა სამედიცინო დაწესებულებაში.

შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ს 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს"- ნათქვამია შსს-ს ოფიციალურ განცხადებაში.

ახალი ვიდეო მეტი ვიდეო

ანკა ვასაძე

კომენტარები