ევროპული კომისიის ინფორმაციით, ევროპაში მომხმარებელს საჯარო ადგილებში უფასო და მაღალი ხარისხის Wi-Fi-ით სარგებლობის საშუალება ექნება.
"დღეიდან მუნიციპალიტეტებს შეუძლიათ, ევროკავშირის დაფინანსებით საჯარო ადგილებში უფასო Wi-Fi-ის პროგრამა განახორციელონ. ეს ნიშნავს, რომ მაღალი ხარისხის ინტერნეტი იქნება მოედნებზე, პარკებში, საავადმყოფოებსა და სხვადასხვა საჯარო დაწესებულებაში," - ნათქვამია განცხადებაში.
