აღდგომის დღესასწაულის გამო, საქართველოს რკინიგზა დამატებით რეისებს დანიშნავს

აღდგომის დღესასწაულთან დაკავშირებით, მგზავრების მომატებული რაოდენობის გამო, საქართველოს რკინიგზა დამატებით რეისებს დანიშნავს. 

5, 6, 7, 9 და 10 აპრილს (#808/807) 4-ვაგონიანი, ორსართულიანი შტადლერის ელექტრომატარებელი თბილისი-ბათუმი-თბილისის მიმართულებით ახალი განრიგით იმოძრავებს. მატარებელი თბილისის ცენტრალური ვაგზლიდან 10:30 საათზე გავა და ბათუმში 15:30 საათზე ჩავა, ბათუმიდან კი, 17:10 საათზე გამოვა და თბილისში 22:03 საათზე ჩამოვა. 

დამატებითი რეისი ინიშნება თბილისი-სენაკი-თბილისის მიმართულებაზე. კერძოდ, 5, 6, 7, 9 და 10 აპრილს 4 ვაგონიანი ელექტრომატარებელი (#878) თბილისის ცენტრალური ვაგზლიდან 8:50 საათზე გავა, სენაკში 13:08 საათზე ჩავა, სენაკიდან კი (#877) 19:45 საათზე გამოვა და თბილისში 23:59 საათზე ჩამოვა.