გორის რაიონის სოფელ აძვიდან ოკუპანტების მიერ გატაცებული ორი მოქალაქე გათავისუფლებულია.
ინფორმაცია ამის შესახებ ტაბულას საქართველოს უსაფრთხოების სამსახურში დაუდასტურეს.
"მათ გასათავისუფლებლად ყველა ბერკეტი იქნა გამოყენებული. სუს-ის მიერ ამოქმედებული იყო ცხელი ხაზი და ინფორმირებული იყო ევროკავშირის სადამკვირვებლო მისია", - აცხადებენ უწყებაში.
გორის რაიონის სოფელ აძვიდან რუსმა ოკუპანტებმა ორი მოქალაქე გუშინ გაიტაცეს.
