ეკონომიკური ზრდა

2017 წელს თურქეთისა და სომხეთის ეკონომიკური ზრდა საქართველოზე მაღალი იყო

0 კომენტარი
თურქული ლირა ფოტო: reuters

საერთაშორისო სავალუტო ფონდმა (IMF) მსოფლიოს ეკონომიკური ზრდის განახლებული შეფასება გამოაქვეყნა, რომლის მიხედვითაც, საქართველოს ეკონომიკა 2017 წელს 4.79%-ით გაიზარდა. ეს მაჩვენებელი სომხეთისა და თურქეთის ეკონომიკურ ზრდას ჩამორჩება.  2017 წელს სომხეთის ეკონომიკა 7.47%-ით გაიზარდა, თურქეთის ზრდამ კი 7.04% შეადგინა. 

რეგიონის სხვა ქვეყნებთან მიმართებით, საქართველოს ეკონომიკური ზრდა რუსეთის (1.54%), აზერბაიჯანის (0.07%) და უკრაინის (2.52%) მაჩვენებელს აღემატება.

სავალუტო ფონდის მონაცემებით, საქართველო ეკონომიკური ზრდით 44-ე ადგილზე იყო. საქართველოზე მაღალი ზრდა არამარტო განვითარებად, არამედ განვითარებულ ქვეყნებსაც ჰქონდათ. მათ შორისაა ირლანდიაც, რომლის ეკონომიკაც 2017 წელს 7.4%-ით გაიზარდა. 

ეკონომიკური ზრდით პირველ ადგილზე კი ლიბიაა, რაც რეკორდულ 71%-ს შეადგენს. ასეთი მკვეთრი ზრდის მიზეზი ოთხწლიანი არეულობის დასრულება და ნავთობმოპოვების განახლება იყო. უმძიმესი პოლიტიკური და ეკონომიკური კრიზისის გამო ყველაზე მეტად ვენესეულის ეკონომიკა შემცირდა. ვარდნამ ვენესუელაში 14% შეადგინა. 

ახალი ვიდეო მეტი ვიდეო

შსს: დავაკავეთ კაცი, რომელმაც უკრაინის მოქალაქეს ფიზიკური შეურაცხყოფა მიაყენა (ვიდეო)

კომენტარები