ჩრდილოეთ კორეის დიქტატორ კიმ ჩენ ინსა და სამხრეთ კორეის პრეზიდენტ მუნ ჯე ინს შორის ისტორიული შეხვედრა გაიმართა. ორი ქვეყნის ლიდერმა ერთმანეთს ხელი სადემარკაციო ხაზთან ჩამოართვეს. 1953 წლის კორეის ომის შემდეგ, კიმ ჩენ ინი ჩრდილოეთ კორეის პირველი მმართველია, რომელიც სამხრეთ კორეას ეწვია. "ისტორიაში ახალი ეპოქა იწყება: მშვიდობის ეპოქა“, - დაწერა კიმ ჩენ ინმა მშვიდობის სახლში, სპეციალურ წიგნში.
შეხვედრის ამსახველი ფოტოები
კიმ ჩენ ინის დელეგაცია დემილიტარიზებულ ზონაში შევიდა
კიმ ჩენ ინმა და მუნ ჯე ინმა ხელი პირველად ჩამოართვეს
ფოტო სამხრეთ კორეის მხარეს შეკრებილი მედიისთვის
კიმ ჩენ ინი და მუნ ჯე ინი ჩრდილოეთ კორეული სახელმწიფო მედიისთვის იღებენ ფოტოს
კიმ ჩენ ინი და მუნ ჯე ინი სამხრეთ კორეის საზღვარს კვეთენ
კიმ ჩენ ინი და მუნ ჯე ინი ბავშვებთან ერთად იღებენ ოფიციალურ ფოტოს
კიმ ჩენ ინი და მუნ ჯე ინი მოლაპარაკებათა მაგიდამდე მისვლამდე წითელ ხალიჩას და საპატიო ყარაულს გადიან
კიმ ჩენ ინი და მუნ ჯე ინი ორი ქვეყნის ჰიმნს ისმენენ
მუნ ჯე ინი ჩრდილოეთ კორეის სამთავრობო დელეგაციას, პარლამენტის თავმჯდომარეს (მარცხნივ) და კიმ ჩენ ინის დას კიმ იონ ჯონგს (მარჯვნივ) შეხვდა
კიმ ჩენ ინი მშვიდობის სახლში აკეთებს ჩანაწერს
კიმ ჩენ ინის ჩანაწერი: "ისტორიაში ახალი ეპოქა იწყება: მშვიდობის ეპოქა"
კიმ ჩენ ინი და მუნ ჯე ინი მოლაპარაკებათა დაწყების წინ
კიმ ჩენ ინი და მუნ ჯე ინი მოლაპარაკებათა მაგიდასთან
შეხვედრის დასრულების შემდეგ: კიმ ჩენ ინს დაჯავშნილი ლიმუზნის გარშემო მისი პირადი მცველები მიჰყვებიან
დღემდე ორი ქვეყანას შორის ორი სამიტი გაიმართა. ორივე მათგანი ფხენიანში - 2000 და 2007 წლებში.
2007 წელს სამხრეთ კორეის პრეზიდენტმა ნო მუ ჰიენმა კიმ ირ სენთან შეხვედრისას დენუკლეარიზაციის საკითხი განიხილა, თუმცა მას შემდეგ ჩრდილოეთ კორეამ 6 ბირთვული გამოცდა ჩაატარა.