მონობა

გვინეის პირველი პრეზიდენტის შვილი აშშ-ში მონათმფლობელობის ბრალდებით დააკავეს

0 კომენტარი
ფოტო: Tarrant County Jail

ამერიკული მედიის მიხედვით ტეხასის შტატში გვინეის ყოფილი პრეზიდენტის შვილი და მისი ცოლი მონათმფლობელობის ბრალდებით დააკავეს.

დასავლეთ აფრიკული ქვეყნის პირველი პრეზიდენტის, აჰმედ სეკუ ტურეს ვაჟი, მუჰამედ კროს-ტურე და მისი მეუღლე დენის კროს-ტურე იძულებით ამუშავებდნენ და თავისუფლებას უზღუდავდნენ მათივე თანამემამულეს, რომელიც გვინეიდან აშშ-ში 2000 წელს 5 წლის ასაკში ჩავიდა. გავრცელებული ცნობით ის ოჯახის შორეული ნათესავია, რომელიც მამამ აშშ-ში ოჯახის 3 შვილთან ერთად აღსაზრდელად გაუშვა, თუმცა 16 წლის მანძილზე მას ანაზღაურების გარეშე ამუშავებდნენ და სკოლაში სიარულის უფლებას არ აძლევდნენ.

გოგონა ტურეების სახლიდან 2016 წლის აგვისტოში გაიქცა. ბრალის დამტკიცების შემთხვევაში ცოლ-ქმარს 20-წლიანი პატიმრობა ემუქრებათ. ისინი ბრალს უარყოფენ.

ახალი ვიდეო მეტი ვიდეო

პროკურატურა: ნაცემი შაქარაშვილი გადააგდეს არაგვში, რის შედეგადაც ის გარდაიცვალა

კომენტარები