კომპანია "სოკარ ჯორჯია გაზის" ინფორმაციით, 10 მაისს დუშეთის მუნიციპალიტეტსა და ქალაქ გორის რამდენიმე ქუჩას გაზმომარაგება შეუწყდება.
კომპანია ამის მიზეზად გაზსადენზე მიმდინარე სარემონტო-საექსპლუატაციო სამუშაოებს ასახელებს.
- მიმდინარე წლის 10 მაისის დილის 09:00 საათიდან 11 მაისის საღამოს 17:00 საათამდე, გაზმომარაგება შეუწყდება დუშეთის მუნიციპალიტეტის სოფლებს: არაგვისპირს, ბიჩნიგაურს, დაბა ჟინვალს, არანისსა და ქვემო არანისს. აბონენტებს ბუნებრივი გაზის მიწოდება 11 მაისის 17:00 საათიდან, სამუშაოების დასრულებისთანავე, ეტაპობრივად აღუდგებათ.
- მიმდინარე წლის 10 მაისის დილის 10:00 საათიდან საღამოს 18:00 საათამდე, ქალაქ გორში გაზმომარაგება შეუწყდება: ლერმონტოვის, ყიფიანის, ცხინვალის, გალუსტაშვილის, გვერდწითელის, ლეხ და მარია კაჩინსკების, ნადირაძის, რუხაძის, ტყვიავის, ჯავახიშვილის, ელიოზიშვილის, მეჯვრისხევისა და მუსხელიშვილის ქუჩებს. აბონენტებს ბუნებრივი გაზის მიწოდება 10 მაისის 18:00 საათიდან, სამუშაოების დასრულებისთანავე, ეტაპობრივად აღუდგებათ.
კომპანია "სოკარ ჯორჯია გაზი" აბონენტებს შექმნილი დისკომფორტისთვის ბოდიშს უხდის და მოუწოდებს, დაკეტონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
